Ngapak Shpirtë // Ismail Dushi

 NGAPAK SHPIRTË

Zemrën,që nga lindja,

njerëzve për dashuri ua

fala!

Shpirtin,parajsës dhe

mëngjeseve të herëshme

në të,ua dhash!

Përditë ngapak shpirtë,

shtigjeve e luleve,në

pranverë ua dhash!

Ngapak shpirtë shpërndarë,degëve të

pishave var!

Ketrushve për vallet e

vallëzuara,dhurat nga

unë,ngapak shpirt!

Pëllumbave në krah, ngapak shpirtë,që gjithandej dashuri të

shpërndajnë!

Bilbilave mbi krahë të shkruar në parajsën time,

ngapak shpirt!

Dashuri të sjellin kurë

të vinë,për njerëz,urrejtje

kurrë të mos ketë!

ISMAIL DUSHI