حلوي مثل // بقلم الشاعر د جوزيف رداح

حلوي مثل باقة ورد ..... لمتها إيد رسام 

أو طير بحلاتو انفرد ..... وبحضن الحلاوة نام 

أو صبح بي حبا انوعد ..... وغرق بعشقا وهام 

شو كبيري يا إم الدني ..... وما أعظمك ياشام 

.......

حلوي مثل وردة دفا ..... طلعت بليلة برد 

أو مثل شي حمامة وفا ..... وقفت بوجه الفرد 

أو حسون غنى وما غفا ..... وبألحانو ملا الجرد 

قلن ما عارف أوصفا ..... عظمة بلد كالشام 

.......

كل الورود البدني ..... حلمت بحضنا تنام 

جوري وفل وسوسنه ..... وربيع مع أحلام 

والياسمين عمرو هني ..... حلا وجع أيام 

قلن إلي عز الدني ..... وعز الدني بالشام 

جوزيف رداح