الله وحدو // بقلم الشاعرة د. احسان ناصر
الله وحدوا الي بيعلم
اديش عم بنقاسي
واديش لبنان مظلوم
وصار كلوا مأسي
وشعب لبنان العظيم
دمر شعبوا الكراسي
الكل فينا بيتحكم
تاصاب الوجع راسي
حتى برغيف بنحلم
يلعن ابو هل العيشي
لا في كهربا ولاماي
ولا عاد نقدر فينا ننام
ونقدر نأمن معيشي
الله يستر هل الأيام
الكل بينتف بريشي
حتى زغاليل الحمام
هديلا هز حواسي
وصار عنا انفصام
والنفسية محتاجي
طبيب مع جملة كلام
تشفي رواح بتعاني
واحلام مع وقف التنفيذ
حتى شوف بأحلامي
اجمل صورة لا لبنان
و الشحرورة والانغام
والكل بعضوا يواسي
ويغرد عصفور السلام
احلى واجمل تغريدي
هيهات يعود الزمان
ونردح أجمل قصيدي
وشقرا وبيضا عا العمام
والسمرا ايدا بأيدي
بس يفلوا هل الحكام
ما خلو معنا مجيدي
ولا حتى قرش مقدوح
ولا توب ولا هندام
ولا حفافي جديدي
حتى بأثواب الترقيع
الأبرة صارت عرياني
شو هل العيشي يا سلام
صفينا عل الحديدي
السفيرة د احسان ناصر
Commentaires
Enregistrer un commentaire