طمني/بقلم الشاعر فهمي محمود حجازى

 طمني

بقلم الشاعرفهمى محمود حجازى 

رموشك ضله ع  النني

وقلبي بشوقه مستني

لنظرة عشان تطمني

تقول إني ملكت هواك

وترحم قلب مستني

جواب يقولي أيه جواك

يرد عليا  يفهمني 

يقول أخرتها أيه وياك

هعيش وياك وتسعدني 

ولا هدوق  المرار بجفاك

حبيبي قول و فرحني

دانا نفسي أكون دنياك

وتشرب من حنان حبي

واشبع من جمال رؤياك

وتكون للسهر قمري

وأكون حارس لنجم سماك

 وتنكتب ع الجبين  قدري

واعيش عمري أسير لهواك

بقلمى فهمى محمود حجازى