لحظة صمت // بقلم الشاعر أسامه جديانه
لحظة صمت مرت بقلبي
عشت سنين الذكريات
أول لقانا من سنين
حسيت بفيضان من الحنين
ولساني لزم السكات
تهت بنظرات العيون
والدنيا ليل مليان سكون
والقلب تاه عن النبضات
كنت بجمالك مفتون
جوايا بسأل من تكون
حوريه فيها أجمل صفات
بسمتها كلها دلال
حقيقه دي ولا خيال
القلب ليها حب ومال
من غير كلام ولا سؤال
ونسيت كل الأمنيات
وبقيتى أنت كل الأماني
من لحظه شفتك أو ثواني
وعشقت الصمت والسكات
من أجل أجمل ذكريات
(((أسامه جديانه)))
Commentaires
Enregistrer un commentaire