خايف ليمضي // بقلم الشاعر د علاء الدين آله رشي

 قصيدة(محكية) بِقلمي مُهداة لوالدتي الغالية

عند وداعها ولا أعلم متى نلتقي..

ََََََََََ..............................................

خايف لَيمضي هالعُمر يا أمي

ومعاد   شوفك   إلا  بِحلمي

وتسكِّر  علينا  الغُربة  لبوابْ

وتموت على فرائِك  اللَّمّي (ة)

وتغص الآه بصدري من القهر

وتحترء جوّى قلوبنا الكلمي(ة)

وتسافر الضحكة وتضيّع دربها

ويقتلني الحنين وتنمحي البسمي(ة)

ويضيع الفرح بفرائك وأبئى

تايه  على  بواب  التمني 

ضلّي   يا أمي   إنتي   الفرح

عَبُعدك    كل   العُمر   عتمي(ة)

ضَلّي يأحلى  من الحلا كلو

يا أحلى  كلمة  رددَّها  تَمّي

 ضلّي  لأشبع  منك  يا أمي

داوي  الوجع  شيليلي هَمّي

لا تروحي  ضَلّي  محتاجِك أنا

 إسمك بِقلبي وبروحي وبدمّي

 

إنتي     العُمر     كل     العُمر 

عالأرض وردة وبالسَّما نجمة(ي) 

الله   ينتقم    منك   يا غربة

غدرِك قتلني ومن أمي حرمني

خايف  لَيمضي  هالعمر  يا أمي

ومعاد    شوفك    إلاّ  بِحلمي

بِقَلَمي : علاء الدين آله رشي