قلبي مغلف كهدية // بقلم الشاعرة : وفاء بدر السعيد

قلبي مغلف كهدية

لحدود السما بعتو مرسال

يسال عن أمي وبيي

ويخبرهم عن الاحوال

ويسالهم الرضا عليي

ويدعولي براحة البال

ولاولادي بقدم عيني

ليكونوا باحسن حال

لنكفي بعيشة هنية

ويغنينا ربي عن السؤال

وبنومي ردوا عليي

انهم ينسوني محال

وعرفوا انهم بعيني

من خلقت لشدوا الرحال

امي ع لساني كانت غنية

من جيت عالدني ولاتزال

وبيي مخبى بعينيي

ومحلو بقلبي سيد الرجال

بدعواتي لرحمتهم مكفًية

من رحلوا ليوم الوصال

ربي برضَاهم ارضى عليي

وارسل لِنا الهنا من السما بسلال

بقلمي

وفاء بدر السعيد.

سوربا