خلص الحكي وتعبنا // بقلم الشاعرة : وفاء بدر السعيد

 خلص الحكي وتعبنا 

الآذان  مسكرة 

والعيون  دبلانة

والارواح من الألم  تعبانة 

ومافي مين يسمع مصايبنا

خلي وجعك بالقلب 

وانثر بذور  الفرح بالدرب 

يمكن تصير بساتين

وبراعم  المحبة تزهر 

فرح وغناني ومواويل

ويمكن قصايدنا ترقص 

علحن خبى الالم 

وظاهرو   فرح مزين

بخيوط الشمس  المدهبة 

وبصوت الشجن الدفين

وبتصير الموسيقا معجونة 

بشوية فرح وقلب حزين

وضجيج السن مبترحم

وعيون علينا  مفتحة 

وشكوى ودموع وانين

بيصير اللحن ممزوج 

وبالرقصات متزين

وبيطلع بنكهة امل 

لسابع سما يناجي

قدرة فرج  من رب العالمين..

بقلمي

وفاء بدر السعيد