==== لفين ==== // بقلم الشاعر صلاح شعبان الفيداوي

===== لفين ====

ولفين واخداني يادنيا 

ولا عارف رايح فين 

على دنيا تاني جديده 

واخداني معاكي لمين 

  على ناس زى الناس ...

أغلبهم ناس خاينين 

ولا أشوف ناس غيرهم 

قلوبهم طيبين ...

الطيبة فيهم طبع 

والوش مهوش وشين 

ويخافوا علينا ويدافعوا 

عنا لو غايبين .... ( لما نكون غايبين )

كفاية قلوب أنانية 

معانا هنا عايشين 

الهم عنده مصلحته 

ولا فارق يظلم مين 

عايش من لازمه 

ويصدر ليك الأزمة 

ويضحك بالشدقين 

وفاكر نفسه مهم 

وهوه أكبر هم 

وكلامه كلام مجانين 

يسعادة البيه ياأناني 

يامصبح وبعده تقبح 

إيه هيفيدك تاني 

باقي ع الأخره يومين 

بقلمي 

صلاح شعبان الفيداوي 

القاهرة 

٢٦/٩/٢٠٢٢