مظلوم// بقلم الشاعر خالد موسى

مظلوم

مظلوم ضميري قوي

شق الكيان نصين

نص كله ندم

وحيره بين حاجتين

نشبع الحرمان

ولا نغض العين

ونص تاني يعاني

من إننا مساكين

مكتوب علينا الآسي

متليسين بالطين

وإن طولنا لحظه فرح

نحزن معاها سنين

مابين الخرف م القرف

عايشين ومش عايشين

والذل متدرج

تاه الضميروالشرف

وإحنا بقا غاويين

نقعد ونتفرج

نحلم بعيشه ترف

وف همنا داعيين

لربنا يفرج

عمر الوليد اتخطف

ف شبابنا اهو شايبين

وليوم ما نتخرج

نضحك ونرمي النكت

ومن غلبنا نهرج

شايفين ذنوب الزمن

للعمر بتسرج

وبرضه

مش قادرين

عايشين ومش عايشين

خالد موسى