،،، من أول نظرة // بقلم الشاعر زاهي سكيني

من أوّل نظرة ,,,

شفتها وشوفتها حبّيت

رفّت عيني والقلب خفق

وزادت نبضاته

عرقت وخفت

سكتت وما حكيت

مرّ الليل ومعها سهر الفكر

والجسم ما بعرف كيف سكر

طلع الضو والصبح شقشق

من ملابسي ما انتبهت شو ارتديت

رحت واستنيت

ما طلّت ولا لمحتها

اشتقتلها ولمشيتها حنّيت

يمكن حبّ ؟

هيك حسّيت ,,,

طال غيابها

مشيت وسألت

عن اعتابها

وين ساكنه

بأي ّ بيت ؟

استدليت

وصلت والجرس دقّيت

فتحوا الباب ثيابها

عيني عنها ردّيت

سحر وصبا

مخبّا بالعبا

استحيت وبثيابي تخبّيت

بجمالها ضعت

بعينيها غرقت

فرحت وبقيت غرقان

وبفضاها الأزرق

على غيمة سلام

مع دندنة عشق استلقيت

نمت وصحيت فيها

ما أحلى النوم بالبيت