أنا جوه نفسي // بقلم الشاعر أسامه جديانه

أنا جوه نفسي بموت

والفقر أصبح حوت

ببكي بصوت عالي

لكن ما يخرج صوت

ما في حد داري بحالي

كأني جوه تابوت

كله يقول ربي نفسي

ولو الجميع بيموت

***

الكل خايف يسأل

لتكون إليه محتاج

محتاج انا للسؤال

وكرامتي على راسى تاج

واللي يشوفك يتهرب

كأننا في زمن الحجاج

وقت ما يسأل عليك

بيكون إليك محتاج

بيشكي إليك حاله

تلقى الدموع أفواج

يصعب عليك دموعه

يمشي بكل انفراج

بعدها يبعد عنك

كاالسمكه بين الأمواج

وقت الفرح ما تشوفه

ييجى لما يكون محتاج

                      (((أسامه جديانه)))